Üç idmançımız dopinqə görə cəzalandırılıb

Azərbaycanın 3 idmançısı dopinqə görə cəzalandırılıb.

Presssport.az AMADA-nın mətbuat xidmətinə istinadən xəbər verir ki, Səidə Əliyeva (taekvondo), Günel Vəliyeva (ağırlıqqaldırma) və Rövşən Xəlilov (pauerliftinq) yarışlardan diskvalifikasiya olunub.

Hər 3 idmançının cəzalandırılmasına səbəb nümunələrində qadağan edilmiş maddələrin aşkarlanması olub. Belə ki, Əliyevada “furosemid”, Vəliyevada “methyltrienolon”, Xəlilovda isə “metandienone” aşkarlanıb.

Səidə yarışlardan 2, digər idmançılar isə 4 il müddətinə uzaqlaşdırılıb. Taekvondoçu ilə bağlı sanksiya başlama tarixi bu il fevralın 16-sı göstərilib.

Dörd illik cəzalandırılan Vəliyeva ilə bağlı sanksiyanın isə 2023-cü il sentyabrın 7-dən etibarən başladığı təsdiqlənib. Xəlilovun cəzası isə 2021-ci il noyabrın 18-dən qüvvəyə minib.