"Turan Tovuz"dan böyük üstünlük

Misli Premyer Liqasının 2024/25 mövsümünün ilk yarısında 90 oyun keçirilib.

Presssport.az xəbər verir ki, bu matçlarda 144 min 355 tamaşaçı qeydə alınıb. Orta göstərici 1604-ə bərabər olub.

İlk 18 turun rekordu X turun “Neftçi” – “Qarabağ” matçında gerçəkləşib. Belə ki, “Neftçi Arena”ya 7069 seyrçi toplaşıb. 

Antirekord isə XI turun “Araz-Naxçıvan” – “Zirə” görüşünə məxsusdur – 80 tamaşaçı.

Klubların ev oyunlarındakı orta göstəricidə “Turan Tovuz” böyük üstünlüyə malikdir. “Neftçi” 2-ci, “Sumqayıt” 3-cüdü. Bu 3 komanda ümumi orta göstəricidən yüksək nəticəyə sahibdi.