"Araz-Naxçıvan"ın yeni baş məşqçisi açıqlanıb

“Araz-Naxçıvan” futzal klubu yeni baş məşqçi təyinatını reallaşdırıb.

Presssport.az xəbər verir ki, son çempion Evqeni Kukseviçlə anlaşıb. 

53 yaşlı rusiyalı mütəxəssislə müqavilə 5 ay+1 il müddətini əhatə edəcək.

Kukseviç müxtəlif illərdə Vətənində “Sibiryak” və “Norilski Nikel”i çalışdırıb. O, məşqçi kimi Rusiya çempionatının gümüş və bürünc medallarını, 2019/2020-ci il mövsümündə isə ölkə kubokunu qazanıb.

Xatırladaq ki, cari mövsümə Vitali Borisovun rəhbərliyi altında başlayan “Araz-Naxçıvan”ı daha sonra Predraq Rayiç çalışdırıb. Komanda Yüksək Liqanın 8 turundan sonra 16 xalla 3-cü pillədə qərarlaşıb və lider “Baku Fire”dən 6 xal geri qalır.