II Dünya Müharibəsi zamanı ölümlə üz-üzə qalan ən yaşlı Olimpiya çempionu vəfat edib

Həyatda olan ən yaşlı Olimpiya çempionu Aqneş Keleti 103 yaşında dünyasını dəyişib.
Presssport.az xəbər verir ki, əfsanəvi macarıstanlı idmançı, idman gimnastikası üzrə 5 qat Olimpiya çempionu idi. 

O, bu qızıl medallardan 1-ni 1952-ci ildə Helsinki, 4-nü 1956-cı ildə Melburn Olimpiadasında qazanmışdı. Eyni zamanda Keletinin aktivində 3 gümüş, 2 bürünc medallar və 3 dünya çempionluğu vardı.
Aqnuş II Dünya Müharibəsi zamanı ölümlə üz-üzə qalmışdı. Çünki o, yəhudi əsilli idi və bu səbəbdən yığma komandanın heyətindən kənarlaşdırılmışdı. Həmin illərdə Aqneş adını dəyişdirməli olmuş və həyatda qalmaq üçün xadimə kimi işləmişdi.