Yeni transfer rekordu - FİFA açıqladı

FİFA qış “transfer pəncərəsi”ndə klubların xərclədiyi ümumi məbləği açıqlayıb.

Presssport.az xəbər verir ki,qurumun hesabatında futbol klublarının transferlərə yanvarda ümumilikdə 2,35 milyard dollar pul sərf etdiyi qeyd olunub.

Klublar ümumilikdə 5863 transfer həyata keçirib.

Bildirilir ki, transferlərin həm məbləği, həm də sayı rekord həddə çatıb.

Qışda ən çox pul xərcləyənlər İngiltərə klublarıdı - 621,6 milyon dollar.

İlk “5-liy”ə Almaniya (295,7 milyon dollar), İtaliya (223,8 milyon dollar), Fransa (209,7 milyon dollar) və Səudiyyə Ərəbistanı (202,1 milyon dollar) klubları da daxil olub.