Boks yığmamızın hər bir üzvü Belqraddakı beynəlxalq turnirdə medal qazanıb

Azərbaycanın qadın boksçuları Serbiyanın paytaxtı Belqradda keçirilən beynəlxalq turnirdə 6 medal qazanıb.

Presssport.az Boks Federasiyasının mətbuat xidmətinə istinadən xəbər verir ki, yarışa 6 idmançı ilə qatılan millimizin hər bir üzvü fəxri kürsüyə yüksəlib.

Yığmamızın heyətində Anaxanım İsmayılova (48 kq) qızıl medal qazanıb. Aynur Rzayeva (+81 kq) gümüş, Marjona Savriyeva (50 kq), Zeynəb Rəhimova (54 kq), Aynur Mikayılova (57 kq) və Emili Rzayeva (70 kq) bürünc mükafata yiyələnib.

Komandamız fevralın 10-da Bakıya qayıdacaq.