Cüdoçularımız Bakıdakı "Böyük Dəbilqə"ni 5 medalla başa vurub

Azərbaycan cüdoçuları Bakıda keçirilən "Böyük Dəbilqə"ni 5 medalla başa vurub.

Presssport.az xəbər verir ki, yarışın sonuncu günündə təmsilçilərimizdən heç biri mükafat qazana bilməyib.

Belə ki, Əjdər Bağırov (100 kq) 3-cü yer uğrunda görüşdə Niyaz Bilalova (IJF), Kənan Nəsibov (+100 kq) yaponiyalı Kanta Nakanoya uduzub.

Xatırladaq ki, daha əvvəl Zelim Tçkayev (81 kq) qızıl, Rəşid Məmmədəliyev (73 kq) gümüş, Vüsal Qələndərzadə (73 kq), Əhməd Yusifov (60 kq) və Elşən Əsədov (66 kq) bürünc medala sahib çıxıb.