Basketbol yığmamız rəsmi oyunları uduzdu, dünya reytinqində irəlilədi

Qadın basketbolçulardan ibarət milli komandaların dünya reytinqi açıqlanıb.

Presssport.az xəbər verir ki, Azərbaycan millisinin FİBA-nın cədvəlindəki yeri bəlli olub.

Belə ki Evren Alkayanın yetirmələri planetin 103-cü komandasıdı. Yığmamızın hesabında 55,4 xal var.

Millimiz ötən cədvəllə müqayisədə 4 pillə irəliləyib. Hesabat dövründə AVRO-2025-in son iki seçmə oyununa çıxan komandamız Belçikaya 24:97, Polşaya 34:88 hesabı ilə uduzub. Məğlubiyyətlərə baxmayaraq irəliləmək digər ölkələrin geriləməsi ilə bağlıdır.

Onu da bildirək ki, 118 yığmanın yer aldığı cədvələ 888,2 xala malik ABŞ başçılıq edir.