Gimnastlarımız Bakıdakı Dünya Kubokunu 1 qızıl medalla başa vurub

Azərbaycanın idman gimnastları Bakıda keçirilən Dünya Kubokunu 1 qızıl medalla başa vurub.

Presssport.az xəbər verir ki, yarışın sonuncu günündə dayaqla tullanmada Murad Ağarzayev 7-ci, turnikdə İvan Tixonov isə 8-ci yeri tutub.

Ötən gün halqalarla hərəkətlərdə Nikita Simonov qızıl mükafat əldə edib. Dəniz Əliyeva isə dayaqla tullanmada 7-ci yerə sahib olub.

Xatırladaq ki, turnirdə 19 ölkə gimnastları çıxış edib.