Misli Premyer Liqası: Fevral ayının ən yaxşı qolunun müəllifi mükafatlandırılıb

“Ayın qolu” layihəsi çərçivəsində fevral ayının ən yaxşı qolunun müəllifi olan "Qarabağ"ın futbolçusu Patrik Andrade mükafatlandırılıb. 

Presssport.az xəbər verir ki, ona Misli Premyer Liqasının 29-cu turunda bu gün "Zirə" ilə görüşdən əvvəl mükafatlar təqdim olunub. 

Mükafatları Tofiq Bəhramov adına Respublika stadionunda "Azərlotereya" ASC-nin İctimaiyyətlə əlaqələr və korporativ sosial məsuliyyət üzrə rəhbəri Seymur Teymurov təqdim edib.

Xatırladaq ki, Patrik məhz "Zirə"ylə fevralın 2-də səfərdə baş tutan qarşılaşmada (2:3) baxımlı qola imza atıb.