Millimiz İngiltərə yığmasına qalib gəlib

Çimərlik futbolu üzrə Azərbaycan milli komandası Avropa çempionatının 1-ci seçmə mərhələsində (EBSL) ilk oyununu keçirib.

Presssport.az xəbər verir ki, B Liqasının A qrupunda yer alan millimiz İngiltərə yığması ilə qarşılaşıb.

İspaniyanın El Puerto de Santa Maria şəhərində təşkil olunan görüş Sahib Məmmədovun komandasının 5:4 hesablı qələbəsi ilə yekunlaşıb. Millimizin heyətində Ramil Əliyev 2, Sahib Məmmədov və Bayram Bayramlı hərəyə 1 dəfə fərqlənib, bir qol isə avtoqol kimi qeydə alınıb.

Onu da bildirək ki, millimiz qrupda növbəti oyunlarını mayın 24-də Belçika (13:00), 25-də isə Litva (14:15) seçməsinə qarşı keçirəcək.