"Turan Tovuz"dan yubiley qələbəsi, yubiley qolu və rekordun təkrarı

"Turan Tovuz” Misli Premyer Liqasında ən böyükhesablı qələbə rekordunu təkrarlayıb.

Presssport.az xəbər verir ki, bu barədə Peşəkar Futbol Liqasının mətbuat xidməti məlumat yayıb.

Tovuz təmsilçisi XXXVI turda “Kəpəz”i 4 cavabsız qolla məğlub edib.

Bu, klubun tarixində Premyer Liqada 4 top fərqi ilə 3-cü qələbədi. 2022/23 mövsümündə “Neftçi”ni, 2023/24 mövsümündə “Kəpəz”i 4:0 hesabı ilə məğlub edən “Turan Tovuz” bu göstəricini təkrarlayıb.

Qərb derbisindəki qələbə həm də iki yubileylə əlamətdar olub. Tovuz təmsilçisi Premyer Liqada evdə 20-ci qələbə və 75-ci qola sevinib. Əlamətdar qola Ayxan Hüseynov imza atıb.

Xatırladaq ki, “Turan Tovuz” 2022-ci ilin yayından Premyer Liqada çıxış edir.