Avropa çempionatı: Azərbaycan 3-cü qələbəsi qazandı, qrupu 3-cü yerdə bitirdi və...

Azərbaycanın basketbol üzrə qızlardan ibarət U-18 millisi ilk dəfə iştirak etdiyi Avropa çempionatının B Divizionunda keçirdiyi 5-ci oyunda qələbə qazanıb.

Presssport.az xəbər verir ki, Ersen Akkayanın komandası C qrupundakı son matçında Kosovo yığmasını 62:54 hesabı ilə məğlub edib.

Bu nəticədən sonra yığmamız qrupu 3-cü sırada tamamlayıb.

Xatırladaq ki, millimiz ilk dəfə qatıldığı Avropa çempionatının B Divizionunda 9-16-cı yerlər uğrunda mübarizə aparacaq. Azərbaycan buna qədər qrupdakı matçlarda Bosniya və Herseqovina (83:81), İslandiya (86:79) üzərində qazanıb, Ukrayna (65:78) və Litvaya (31:82) isə uduzub.