Klublararası dünya çempionatının qalibi bəlli olub

ABŞ-də keçirilən klublararası dünya çempionatının qalibi bəlli olub.

Presssport.az xəbər verir ki, final oyununda Fransanın PSJ klubu İngiltərə təmsilçisi “Çelsi” ilə üz-üzə gəlib.

Qarşılaşma “Çelsi”nin böyükhesablı qələbəsi ilə bitib. Belə ki, ingilislər fransızları 3 dəfə meydanın mərkəzinə dəvət edib. London təmsilçisinin heyətində Koul Palmer (22, 30) və Joau Pedro (43) fərqlənib.

Bununla da “Çelsi” tarixində 2-ci dəfə klublararası dünya çempionatının qalibi olub. London təmsilçisi 2021-ci ildə finalda Braziliyanın “Palmeyras” klubuna əlavə vaxtda 2:1 hesabı ilə qalib gələrək titula sahib çıxıb. 2012-ci ildə isə “Çelsi” finalda Braziliyanın “Korintians” klubuna 0:1 hesabı ilə uduzub.

PSJ-yə gəlincə, ilk dəfə klublararası dünya çempionatında iştirak edib.

Xatırladaq ki, PSJ 2024/25 mövsümündə Çempionlar Liqasının, "Çelsi" isə Konfrans Liqasının qalibi olub.