Emin Əmrullayev Türkiyənin tanınmış basketbol klubunun prezidenti ilə görüşüb

Bu gün Azərbaycan Basketbol Federasiyasının (ABF) prezidenti Emin Əmrullayev, federasiya rəsmiləri ilə birlikdə Türkiyənin tanınmış qadın basketbol klublarından biri olan "Nəsibə Aydın" basketbol klubunun prezidenti Mirkan Aydın və klub nümayəndələri arasında rəsmi görüş keçirilib.

Presssport.az ABF-in mətbuat xidmətinə istinadən xəbər verir ki, görüşün əsas mövzusu iki ölkə arasında qadın basketbolunun inkişafı, ortaq layihələr və qarşılıqlı təcrübə mübadiləsi məsələləri müzakirə olunub. Tərəflər gələcəkdə müxtəlif yaş qrupları üzrə qadın basketbolçular arasında birgə turnirlər və təlim proqramlarının həyata keçirilməsi perspektivlərini də dəyərləndirib.

Əmrullayev görüş zamanı Türkiyə basketbolunun bölgədəki təcrübəsindən faydalanmağın müsbət tərəflərindən danışıb və "Nəsibə Aydın" klubunun qadın basketbolundakı uğurlarını yüksək qiymətləndirib. 

Qarşılıqlı olaraq Aydın da Azərbaycan basketbolunda son illərdə müşahidə olunan inkişafı təqdir edərək, gələcək əməkdaşlıqlarda uğurlu nəticələrin qeydə alınacağına inandığını söyləyib.