Çimərlik voleybolu üzrə Azərbaycan çempionatının mükafatçıları müəyyənləşib

Çimərlik voleybolu üzrə Azərbaycan çempionatının mükafatçıları müəyyənləşib.

Presssport.az Voleybol Federasiyasının (AVF) mətbuat xidmətinə istinadən xəbər verir ki, Bakı Su İdmanı Sarayında birinciliyin final qarşılaşmaları keçirilib.

Həm qadınlar, həm də kişilərin yarışında “Azərreyl-1” komandaları çempionluq uğrunda mübarizədən qalib ayrılıb.

Qadınların finalında “Azərreyl-1” və “Azərreyl-2" kişilərin həlledici görüşündə isə “Azərreyl-1" və “Xilasedici-2” üz-üzə gəlib. Gərgin və maraqlı mübarizə şəraitində keçən oyunların nəticəsinə əsasən, həm qadınlar, həm də kişilər arasında “Azərreyl-1” qızıl medal qazanıb.

Oyunlardan sonra mükafatlandırma və bağlanış mərasimi keçirilib. Qalib və mükafatçılara diplomlar, medallar və Azərbaycan Voleybol Federasiyasının tərəfdaşı olan VMF saat fabriki tərəfindən hədiyyələr təqdim olunub.

Mükafatları AVF-nin prezidenti Şahin Bağırov, baş katib Faiq Orucov, İdarə Heyətinin üzvü Elqar Bağırov, Əməkdar idman ustası, Avropa çempionatının mükafatçısı Aliyə Paşayeva və VMF saat fabrikinin direktoru Orxan Məmmədov təqdim edib.

Qalib komandalar eyni zamanda Avropa Voleybol Konfederasiyası (CEV) tərəfindən təşkil edilən klublararası Avropa çempionatında iştirak hüququ əldə edib. Ötən mövsüm bu yarışda ölkəmizi təmsil edən “Azərreyl"in qadın və kişi komandaları çempion olub.

Qadınlar

1. “Azərreyl-1” (Larisa Smeltsova / Çinarə Quliyeva)

2. “Azərreyl-2" (Vera Klimoviç / İlhamə Əzimova)

3. “Milli Aviasiya Akademiyası-1” (Nəzrin Kərimli / Amina Ramazanova)

Kişilər

1. “Azərreyl-1” (Konstantin Semenov / Heydər Məmmədli)

2. “Xilasedici-2” (Andrey Melnikov / Həsən Hüseyn Mermer / Asif Əliyev)

3. “Azərreyl-2” (İbrahim Məmmədov / Muhammad Aslanlı)