Çempionlar Liqası: “Qarabağ” qol buraxmayan 2 komandadan biridi

Çempionlar Liqasının təsnifat mərhələsində uğurlu çıxışını davam etdirən “Qarabağ” bu mövsüm yarışda keçirdiyi hər 3 oyunu qalibiyyətlə başa vurub. 

Presssport.az xəbər verir ki, Ağdam təmsilçisi ÇL-in təsnifat mərhələsində qapısından qol buraxmayan 2 komandadan biridi.

Qapısını toxunulmaz saxlayan digər klub isə “Kopenhagen”dir (Danimarka). Hər iki klub bu göstəriciyə görə 1-2-ci yeri tutur.

Onu da bildirək ki, təsnifat mərhələlərinndə iştirakçı komandaların ümumi sayı 44-dü. Onlardan 42-i öz qapısından qol buraxıb. Ən çox top buraxan (9 dəfə) İslandiyanın “Breydablik” komandasıdır.

Xatırladaq ki, Qurban Qurbanovun komandası “Şelburn”u (Şimali İrlandiya) hər 2 görüşdə (3:0, 1:0), “Şkendiya”nı (Şimali Makedoniya) səfərdə (1:0) məğlubiyyətə uğradıb.