"Qarabağ"la oyundan əvvəl 5 qollu qələbə

Şimali Makedoniya çempionatında 2025/26 mövsümünə start verilib.

Presssport.az xəbər verir ki, Çempionlar Liqasının 3-cü təsnifat mərhələsində "Qarabağ"ın rəqibi olan "Şkendiya" ilk oyununa çıxıb.

Jeton Beqirinin komandası doğma meydanda "Şkupi"ni qəbul edib. Qarşılaşma meydan sahiblərinin 5:1 hesablı qələbəsi ilə başa çatıb.

Xatırladaq ki, "Qarabağ" səfərdə keçirilən ilk oyunda "Şkendiya"nı 1:0 hesabı ilə məğlub edib. Cavab görüşü isə avqustun 12-də Tofiq Bəhramov adına Respublika Stadionunda baş tutacaq.