Premyer Liqada 2 debüt oldu, say 67-yə çatdı

Misli Premyer Liqasının I turu 2 əcnəbi baş məşqçinin debütü ilə əlamətdar olub. Portuqaliyalı Xorxe Kaskilya “İmişli”nin, serbiyalı Saşa İliç “Sumqayıt”ın “sükanı arxası”nda ilk çempionat matçına çıxıb.

Presssport.az PFL-ə istinadən xəbər verir ki, portuqaliyalının yetirmələri evdə “Turan Tovuz”a 0:1 hesabı ilə uduzubsa, serbiyalı komandası ilə “Kəpəz” üzərində qələbəyə sevinib – 3:0. Bununla da Premyer Liqa (əvvəllər güclülər dəstəsi) tarixində meydana baş məşqçi və ya əvəzi kimi komanda çıxaran əcnəbi mütəxəssislərin sayı 67-yə çatıb. 

Kaskilya ilk portuqaliyalı olubsa, İliç 5-ci serbiyalıdır. O, həm də “Sumqayıt”da 3-cü legioner çalışdırıcısı olub.

Xatırladaq ki, Kaskilya “İmişli”nin Premyer Liqada ilk baş məşqçisidi.