"Çox güman ki, Çempionlar Liqasının oyunlarını "Tofiq Bəhramov"da keçirəcəyik" - Çəlikəl

"Qarabağ"ın icraçı direktoru Əmrah Çəlikəl Çempionlar Liqasının pley-off mərhələsinin "Ferentsvaroş"la görüşündən sonra jurnalistlərə müsahibə verib. 

Presssport.az xəbər verir ki, Ağdam klubunun rəsmisi əldə edilən uğurla bağlı danışaraq ilk olaraq təəssüratlarını bölüşüb:

• - "Ferentsvaroş"a qarşı çox gözəl iki oyun izlədik. Ümumi nəticədə qalib gələn tərəf olduq və Çempionlar Liqasına ikinci dəfə oynamaq haqqı qazandıq. Bunu qazanmağımız hamımızı çox sevindirir".

- Tahir Gözəlin burada olmaması nə ilə əlaqədardır?

- Tahir bəy, elə bilin ki, burda idi. Hər dəqiqə telefonla danışırdıq. Çox vacib işgüzar görüşü var idi deyə, xaricə yollanmışdı. Daim danışırdıq. 

- Azarkeşlik etdiyiniz klub var ki, Çempionlar Liqasının püşkatmasında onlarla düşməyinizi istəyərdin?

- "Qarabağ"dı, biz də oradayıq. 

- Əsas komanda ÇL-ə düşdüyü üçün U-19 komandanız da UEFA Gənclər Liqasında iştirak edəcək. Bununla bağlı hazırlıqlar var?

- Bizim hazırlıq plan hazırdı. Bu oyunun nəticəsini gözləyirik. 

- Çempionlar Liqasının əsas mərhələsində Bakı Olimpiya Stadionunda oynyacaqsız, yoxsa Tofiq Bəhramov stadionunda?

- Hələ ki, bəlli deyil. Amma çox güman ki, Çempionlar Liqasının oyunlarını Tofiq Bəhramov adıan Respublika stadionunda keçirəcəyik.

- Komandanın heyətinin gücləndirilməsi istiqamətində işlər davam etdirilir?

- O, həmişə var. İndi də bu iş üzrə hazırlıqlar gedir. Futbolçu axtarışları davam edir.