AMADA "Sumqayıt"ın legionerini diskvalifikasiya etdi

AMADA ötən mövsümü "Sumqayıt"da keçirmiş legioner basketbolçu Javaun Markel Danielsi diskvalifikasiya edib.

Presssport.az qurumun mətbuat xidmətinə istinadən xəbər verir ki, buna onun antidopinq qaydalarını pozması səbəb olub.

Daniels 3 aylıq müddətə yarışlardan uzaqlaşdırılıb. Onun nümunəsində qadağan edilmiş maddə və ya onun metabolitləri və ya markerlərinin mövcudluğu aşkarlanıb.

Sanksiyanın müddəti avqustun 1-dən oktyabrın 31-nə qədər təyin olunub.

Onu da bildirək ki, Javaun intizamsılıq etdiyinə görə komandadan uzaqlaşdırılıb.