Çempionlar Liqası: “Qarabağ”ın rəqibləri müəyyənləşib

Bu gün Çempionlar Liqasının (ÇL) Liqa mərhələsinin püşkatma mərasimi keçirilib. 

Presssport.az xəbər verir ki, Monakoda keçiriləcək tədbir Bakı vaxtı ilə saat 20:00-da başlanıb. 

Püşkatma mərasimində Azərbaycanı yarışda təmsil edəcək “Qarabağ”ın da 8 rəqibi müəyyənləşib. Ağdam təmsilçisi oyunlardan 4-nü evdə, 4-nü səfərdə keçirəcək. Mərasimdə “Qarabağ” klub rəhbərliyi səviyyəsində təmsil olunub.

Püşkatmada 36 komanda 4 səbətə bölünüb. “Qarabağ” reytinqi daha az olan komandaların yer aldığı 4-cü səbətdə olub.

Püşkatma zamanı əvvəlcə 1-ci səbətdən bir top çıxarılıb. Daha sonra ötən il də istifadə olunmuş avtomatlaşdırılmış proqram həmin klub üçün təsadüfi qaydada 8 rəqib seçub. Eyni prosedur bütün komandalar üçün təkrarlanıb və nəticədə bütün cütlüklər müəyyənləşib.

Hər səbətdən 2 komanda digər səbətlərdən 2 komandaya rəqib olub.

Liqa mərhələsində eyni assosiasiyadan olan komandalar bir-birilə qarşılaşa bilməz.

Püşkün nəticəsinə əsasən “Qarabağ”ın rəqibləri aşağıda adları qeyd edilən komandalar olub:

1-ci səbətdən:

"Çelsi", İngiltərə (Bakıda)

"Liverpul", İngiltərə (səfərdə)

2-ci səbətdən:

"Benfika"', Portuqaliya (səfərdə)

"Aynttraxt", Almaniya (Bakıda)

3-cü səbətdən:

"Ayaks", Niderland (Bakıda)

"Napoli", İtaliya (səfərdə)

4-cü səbətdən:

"Atletik", İspaniya (səfərdə)

"Kopenhagen", Danimarka (Bakıda)

Çempionlar Liqasında ilk turun oyunları sentyabrın 16-18-də keçiriləcək. Oyunların təqvimi 30 avqustda açıqlanacaq.

Xatırladaq ki, “Qarabağ” tarixində 2-ci dəfədir ÇL-in əsas mərhələsində iştirak edi. Bu, ilk dəfə 2017/18 mövsümündə olub.