Argentinalı konsuldan "İmişli"yə dəstək

Misli Premyer Liqasının III turuna yekun vuran "Sabah” - “İmişli” görüşünü izləyənlər arasında xüsusi qonaqlar da olub.

Presssport.az xəbər verir ki, bu barədə "İmişli"nin mətbuat xidməti məlumat yayıb.

Belə ki, Argentina Respublikasının Azərbaycandakı səfirliyinin nümayəndəsi - konsul, cənab Leandro Daniel Verteramo və “İnnovasiyalar Mərkəzi”nin direktoru Vüsal Rüstəmov oyunu canlı izləyərək futbolçulara dəstək olub.

Xatırladaq ki, sözügedən matç bölgə təmsilçisinin 1:0 hesablı qələbəsi ilə başa çatıb. Bu, "İmişli"nin debüt etdiyi Premyer Liqada ilk qələbəsi kimi tarixə düşüb.