Fernandu Santuş millimizin tarixinə antirekordçu kimi düşdü

Fernandu Santuş Azərbaycan millisində qələbə qazana bilməyən ilk əcnəbi mütəxəssis kimi antirekorda imza atıb. 

Presssport.az xəbər verir ki, yığmamız 71 yaşlı portuqlaiyalı mütəxəssisin rəhbərliyi altında keçirdiyi 11 matçın 9-da məğlub olub, 2-də heç-heçə edib. 

2007-08-ci illərdə müvəqqəti bu posta təyinat alan və 3 görüşdə 1 heç-heçə, 2 məğlubiyyətlə yadda qalan şimali makedoniyalı Qyoko Haciyevskidən başqa heç heç bir mütəxəssis belə göstərici ilə yadda qalmayıb.  

Milli komandamız braziliyalı Karlos Alberto Torreslə 2 qələbə, 5 heç-heçə, 11 məğlubiyyət, almaniyalı Berti Foqtsla 15 qələbə, 22 heç-heçə, 34 məğlubiyyət, Robert Prosineçki ilə 6 qələbə, 6 heç-heçə, 11 məğlubiyyət, Nikola Yurçeviçlə 1 qələbə, 2 heç-heçə, 7 məğlubiyyət, Canni De Byazi ilə 10 qələbə, 8 heç-heçə, 21 məğlubiyyət əldə edib. 

Xatırladaq ki, Azərbaycan millisi son olaraq sentyabrın 5-də, DÇ-2026-nın seçmə mərhələsindəki ilk görüşündə səfərdə İslandiya yığmasına ağır məğlub olub - 0:5. Bundan 3 gün sonra, yəni, gün bu gün AFFA Santuşla müqaviləyə xitam verdi.