Tuxel Serbiya yığması üzərində darmadağını şərh etdi: Bu, komanda işi idi - bir-birimizi dəstəkləyirdik”

İngiltərə yığmasının baş məşqçisi Tomas Tuxel 2026-cı il dünya çempionatının seçmə mərhələsi çərçivəsində Serbiya yığması üzərində 5:0 hesablı ev qələbəsini şərh edib.
Presssport.az alman mütəxəssisin müvafiq açıqlamasını təqdim edir:
“Şadam ki, oyunçularım bu həftə ərzində mənə nümayiş etdirdiklərini meydanda göstərə bildi. Həftə əla keçdi – köklənməmiz və hər 2 matçda necə oynadığımız təəssürat doğurur. Bu gün güclü rəqib üzərində heç də asan olmayan şərtlər daxilində qələbə qazandıq. Bu, komanda işi idi – bir-birimizi dəstəkləyirdik”, deyə Tuxel məmnunluqla bildirib.
Bu qələbə sayəsində İngiltərə yığması yer aldığı K qrupunun yarış cədvəlində 15 xalla mövqeyini möhkəmlədib.