Messi daha bir nailiyyətə imza atdı

2026-cı il dünya çempionatının CONMEBOL bölgəsi üzrə seçmə mərhələsi başa çatıb.
Presssport.az xəbər verir ki, seçmə mərhələnin yekunları üzrə Argentina yığmasının 38 yaşlı ulduz hücumçusu Lionel Messi vurduğu 8 qolla ən sərrast qolçu ünvanına sahib olub.
Müvafiq nailiyyət vetran hücumçunun karyerası ərzində bir ilkdi. Maraqlıdır ki, “Leo” seçmə mərhələnin dairəvi əsasda keçirildiyi 1996-cı ildən bəri ən sərrast qolçuların ən aşağı nəticəsini göstərib. 

Buna qədər ən sərrast qolçuların ən aşağı göstəricisi 2002-ci ildə qeydə alınmışdı – argentinalı hücumçu Ernan Krespo və ekvadorlu həmkarı Aqustin Delqado hərəyə 9 qolla fərqlənmişdi.