Salei dünya çempionatda medaldan doymur - Sinqapuda "gümüş" də oldu

Azərbaycan paraüzgüçüsü Raman Salei (S12 kateqoriyası) Sinqapurda keçirilən dünya çempionatının üçüncü günündə gümüş medal qazanıb.

Bu barədə Presssport.az-a Milli Paralimpiya Komitəsinin mətbuat xidmətindən bildirilib.

İdmançı 50 metr məsafəyə sərbəst üsulla üzməkdə 24:27 nəticə ilə 2-ci yeri tutub.

Xatırladaq ki, Salei yarışın ilk günündə 100 metr məsafəyə arxasıüstə üzməkdə 1:01.58 nəticə ilə qızıl, 2-ci gündə isə 100 metr məsafəyə "butterfly" (kəpənək) üsulunda 58.17 nəticə ilə bürünc medal əldə edib.