Əliyar Ağayevə bu dəfə Avropa Liqası üçün təyinat gəldi

Azərbaycanın FİFA referisi Əliyar Ağayev növbəti təyinat alıb.

Presssport.az AFFA-nın rəsmi saytına istinadən xəbər verir ki, Ağayev Avropa Liqasının Liqa mərhələsi çərçivəsində keçiriləcək “Brann” (Norveç) – “Utrext” (Niderland) matçının baş hakimi olacaq.

Ona yan xətdə Zeynal Zeynalov və Akif Əmirəli kömək edəcək. Dördüncü hakim funksiyasını İnqilab Məmmədov yerinə yetirəcək. 

Macarıstanlı Tomaş Baqnar VAR, Ferens Karako isə AVAR kimi fəaliyyət göstərəcək.

Qarşılaşma oktyabrın 2-də Bergen şəhərindəki “Brann” stadionunda keçiriləcək.