AFFA prezidenti Ayxan Abbasovla görüşüb

Bu gün AFFA prezidenti Rövşən Nəcəf A milli komandamızın baş məşqçisi Ayxan Abbasovla görüşüb.

Presssport.az xəbər verir ki, görüş zamanı qurum rəhbəri mütəxəssisin U-21 komandasında gördüyü işləri, həmçinin A millinin DÇ-2026-nın seçmə mərhələsində Ukrayna yığması ilə (1:1) oyundakı çıxışını yüksək qiymətləndirib.

AFFA prezidenti 44 yaşlı Abbasovla komandamızın qarşıdakı oyunları ətrafında fikir mübadiləsi aparıb. R.Nəcəf milliyə və baş məşqçiyə AFFA rəhbərliyi tərəfindən dəstəyin bundan sonra da davam etdiriləcəyini bildirərək, komandamıza növbəti oyunlarda uğurlar arzulayıb. O, Abbasova millimizin “5 nömrə”li formasını hədiyyə edib. 

Görüşdə AFFA-nın icraçı vitse-prezidenti Sərxan Hacıyev və baş katib Cahangir Fərəcullayev də iştirak edib.