Anri "Qarabağ"ı yenə tərifləyib: "Bu komanda çox sadə oynayır, lakin bunu inanılmaz dərəcədə effektiv edir

CBS Sports telekanalında Çempionlar Liqasının Liqa mərhələsinin 2-ci turunu şərh edən ekspert Tyeri Henri “Qarabağ”ın Bakıda “Kopenhagen” üzərində 2:0 hesablı qələbəsini də qeyd edib. 

Presssport.az xəbər verir ki, fransız sabiq məşqçi Azərbaycan çempionunun Danimarka klubuna qalibiyyətini belə şərh edib: "Qarabağ" yenə qalib gəld və ona layiq olduğu tərifi etmək lazımdır. Bu komanda çox sadə oynayır, lakin bunu inanılmaz dərəcədə effektiv edir. Sürətli ötürmələr və cinahlardan müntəzəm hücumlar rəqibi çətin vəziyyətə salır. Onları dayandırmaq üçün yüksək səviyyəli komanda olmalısan. Futbol mahiyyətcə sadə bir oyundur, lakin sadəcə oynamaq ən çətin hissədir. “Qarabağ” bu sahədə üstündü.