"Mbappeyə dedim ki, "zamen" istə, sən də rahat ol, biz də..." - Bədəlov

Millimizin futbolçusu Elvin Bədəlov ötən gün DÇ-2026-nın seçmə mərhələsində Fransa yığmasında ilə Parisdəki oyunda rəqibin kapitanı Kilian Mbappe ilə dialoqundan danışıb. 

Presssport.az xəbər verir ki, müdafiəçi ulduz hücuçudan zədəsini soruşduğunu bildirib: “Əslində zədə ilə bağlı ondan əvvəl də söhbətləşirdik. Elə oldu ki, ayağı ağrıdı. Ona dedim ki, ağrıyırsansa, əvəzetmə istə, sən də rahat ol, biz də. Cavab verdi ki, “ağrım var, bir azdan əvəzetmə istəyəcəyəm”. Başqa söhbət olmayıb”.

Xatırladaq ki, futbolçuların dialoquna dair görüntülər ötən gündən bəri müzakirə mövzusuna çevrilib (qafqazinfo.az).