"Sumqayıt"dan əlamətdar qələbə

"Sumqayıt" Premyer Liqada 75-ci ev qələbəsini qazanıb.

Presssport.az PFL-in rəsmi saytına istinadən xəbər verir ki, "gənclik şəhəri" təmsilçisi buna 223-cü matçında nail olub.

Bu, Misli Premyer Liqasının VIII turuna təsadüf edib. Sumqayıtın eyniadlı klubu öz meydanında "Karvan-Yevlax"ı üstələyib - 4:1.

İlk ev qələbəsi 2011/12 mövsümünə təsadüf edən “gənclik şəhəri”nin təmsilçisi 2011-ci il oktyabrın 30-da AZAL-a 2:1 hesabı ilə qalib gəlib. 

"Sumqayıt" ölkə çempionatlarının yüksək dəstəsində 75 və daha çox qələbə qazanan 12-ci komandadı.