“Qəbələ”də 7-ci het-trik

Azərbaycan Kubokunun II təsnifat mərhələsinin "Qəbələ" - "Mingəçevir" oyunu meydan sahiblərinin futbolçusu Prins Ovusu üçün əlamətdar olub.

Presssport.az “qırmızı-qaralar”ın mətbuat xidmətinə istinadən xəbər verir ki, həmin görüşdə het-trikə imza atan 19 yaşlı qanalı legioner klub tarixinə bir matçda 3 qol vuran 7-ci futbolçu kimi düşüb.

"Qəbələ"nin tarixində het-trik edən digər futbolçular Vüsal Qarayev, Fərzad Hatəmi, Teo Uiks, Baqali Dabo, Filip Ozobiç və Bilel Auaşeriyadı.

Xatırladaq ki, qarşılaşma Qəbələ təmsilçisinin 5:1 hesablı qələbəsi ilə yekunlaşıb.