Mövsümdə yeni rekord Tovuzda qeydə alındı

Misli Premyer Liqasının X turu tamaşaçı sayında mövsümün rekordu ilə əlamətdar olub. Tovuz şəhər stadionunda keçirilən “Turan Tovuz” – “Şamaxı” matçını 5800 tamaşaçı izləyib. 

Presssport.az xəbər verir ki, bu haqda PFL-in mətbuat xidməti məlumat yayıb.

Doğma arenaya qayıdan qərblilər bu görüşdə 2:1 hesablı qələbə qazanıb. 

Bu oyun mövsümün arxada qalan hissəsi üçün ən çox seyrçi toplayan görüşdü. Bunadək rekord V turda qeydə alınmışdı. Mehdi Hüseynzadə adına Sumqayıt şəhər stadionundakı “Sumqayıt” – “Neftçi” matçında (0:2) 3500 izləyici olub.

Onu da bildirək ki, ümumilikdə mövsümün baş tutan 58 oyununu 64 min 766 tamaşaçı izləyib. Orta göstərici 1117-yə bərabərdi.