Veteran cüdoçularımız dünya çempionatında daha 2 medal qazanıb

Fransanın paytaxtı Parisdə cüdo üzrə veteranlar arasında keçirilən dünya çempionatında Azərbaycan millisinin medal sayı 3-ə çatıb.

Presssport.az xəbər verir ki, M3 yaş kateqoriyasında Vüqar Babayev (66 kiloqram), M4 kateqoriyasında isə Zaur Bağırov (+100 kiloqram) bürünc mükafat qazanıblar.

Təmsilçilərimiz üçüncü yer uğrunda görüşlərdə, müvafiq olaraq, fransalı Erik Şillevaerti və Sedrik Dequzeni məğlub edib.

Xatırladaq ki, ilk yarış günündə Qurban Məmmədli də (M2, +100 kiloqram) bürünc medala layiq görülüb.