Azərbaycan derbisinə doğru: Baş hakimlər, ata-oğullar

Azərbaycan derbisi tarixində ilk oyunun baş hakimi Rüstəm Rəhimov olub.

Presssport.az PFL-in rəsmi saytına istinadən xəbər verir ki, o, ilk mövsümün hər iki matçını idarə edib. 

Əvvəlki çempionat derbilərini 30 hakim idarə edib. Əliyar Ağayev hamıdan çox – 13 derbidə fit çalıb. Fariz Yusifovla Xaqani Məmmədov hərəyə 9 belə matç keçirib.

Derbilərdə iki ata-oğul baş hakim olub. Bunlar Gülağa Cabarovla Rauf Cabarov (hərəsi 2) və Rövşən Əhmədovla Rəşad Əhmədovdu (müvafiq olaraq 8 və 3).