Prezident İlham Əliyev: "Dünya çempionatının Özbəkistan və Azərbaycanda təşkili ortaq tarixi nailiyyətdi"

Prezident İlham Əliyev futbol üzrə U-20 dünya çempionatının final mərhələsinin Azərbaycanda və Özbəkistanda keçirilməsi ilə bağlı danışıb.

Presssport.az xəbər verir ki, ölkə başçısı Özbəkistanın Milli İnformasiya Agentliyinə (UzA) müsahibəsində bunları deyib:

"İdman sahəsində əməkdaşlıqda yaxşı nəticələr var. İki ölkənin birgə səyləri sayəsində FIFA İcraiyyə Komitəsi 2027-ci ildə keçiriləcək futbol üzrə U-20 Dünya çempionatının final mərhələsini Azərbaycanda və Özbəkistanda təşkil etmək qərarına gəlib. Bu, Avropa ilə Asiyanı birləşdirəcək ortaq tarixi nailiyyətdi".

Xatırladaq ki, 1977-ci ildən etibarən 2 ildən bir təşkil edilən U-20-lərin dünya çempionatının 25-ci turnirinə Azərbaycan və Özbəkistan ev sahibliyi edəcək. Bununla futbol tarixində ilk dəfə Azərbaycanın kişilərdən ibarət milli futbol komandası dünya çempionatının final mərhələsində iştirak edəcək.