"Sabah" üçün Premyer Liqada yubiley

Misli Premyer Liqasının XII turu “Sabah” üçün yubiley heç-heçəsi ilə əlamətdar olub.

Presssport.az xəbər verir ki, Bakı klubu turnirdə 60-cı dəfə meydandan 1 xalla ayrılıb.

Bu, “Şamaxı” ilə qarşılaşmaya təsadüf edib – 0:0.

 “Sabah” Premyer Liqada keçirdiyi 223-cü matçda 60-cı “sülh”lə kifayətlənib. 

Paytaxt təmsilçisi çempionatlar tarixində 60 və ya daha çox heç-heçə edən 14-cü komandadı. Bakılılar evdə 32, səfərdə 28 dəfə bərabərə qalıb.

Yarışın 33 illik tarixində ən çox heç-heçə edən komanda “Neftçi”di – 222.