"Şanslardan yararlanmayanda səni cəzalandırırlar" - Kaşkilya

Bu gün Misli Premyer Liqasında 14-cü turun son oyun günündə "İmişli" “Sumqayıt”ı qəbul edərək, minimal hesablı qələbə qazanıb.

Presssport.az xəbər verir ki, oyundan sonra keçirilən mətbuat konfransında qonaqların baş məqşçisi Jorj Kaşkilya jurnalistlərin suallarını cavablandırıb:

• - "Sumqayıt" 1-ci hissədə daha üstün futbol oynadıq. Fasilədən sonra taktiki dəyişiklərə getdik. Bu da 2-ci hissədə özünü göstərirdi. Daha güclü oynamağa başlamışdıq. Qol epizodlarımız çox idi. Juninyonun epizodunda qola çox yaxın idik. Amma alınmadı. Futbol elə oyundur ki, şanslardan yararlanmayanda səni cəzalandırırlar. Qoldan sonra hesabı bərabərləşdirə bilərdik.

- Legionerlərin bu qədər çox olduğu heyətlə 9-cu pillədə gedirsinizsə, yerlilərə üstünlük versəniz neçənci pillədə özünüzü görürsünüz?

 - Məşqçi kimi fərq qoymuram ki, futbolçum əcnəbidir ya yerli. Bu mənim üçün çox da əhəmiyyət daşımır. Hansı oyunçu özünü daha yaxşı göstərir, o da əsas heyətdə yerini alır. 

- Oyunun sonlarında iki tərəf arasında dava düşdü. Bu haqda düşüncələriniz?

- Hər 2 tərəf də həmin anda özünü yaxşı aparmadı. Rəqib komandanın işçiləri də özünü yaxşı aparmadı. Futbol emosional bir oyundu. Gərək hər kəs özünü cilovlaya bilsin. 

 - Mövsümdə 3-cü dəfədir ki, penaltini qola çevirə bilmirsiniz.Sizcə, burda problem nədədir?

- Bu suala cavab tapmaq çətindir. Məşqlərdə penalti epizodunu çalışırıq. Amma oyun zamanı bunu reallaşdırmaq bir qədər çətin və fərqli olur.