Stolüstü tennisçilərimiz Qazaxıstana yola düşüb

Azərbaycanın qadın stolüstü tennisçiləri Qazaxıstana yola düşüb.

Presssport.az xəbər verir ki, komanda Almatı şəhərində təşkil olunacaq Avrasiya Liqasında iştirak edəcək.

Baş məşqçi Fərhad İsmayılovun rəhbərliyi altında Aylin Əsgərova, Zemfira Mikayılova, Ləman Abdulhəmidova və Mərziyyə Nurmətova martın 12-də mübarizəyə başlayacaq.

Ardınca komanda Çinə təlim-məşq toplanışına yollanacaq. Martın 15-dən 28-dək Hebey əyalətinin Zenq Dinq şəhərində keçiriləcək toplanış qarşıdakı beynəlxalq yarışlara hazırlıq xarakteri daşıyacaq.