Brunu Fernandeş “Mançester Yunayted”in əsas “dərd”ini açıqladı

“Mançester Yunayted”in kapitanı, 31 yaşlı portuqal hücumameylli yarımmüdafiəçi Brunu Fernandeş “qırmızı şeytanlar”ın əsas fəsadı ilə bağlı qənaətini açıqlayıb.

Presssport.az portuqal futbolçunun müvafiq açıqlamasını təqdim edir:

“İxtiyari komanda uğurlu qısa kəsimlər nümayiş etdirə bilər. Bütün mövsümü uğurla keçirmək isə xeyli çətindir – buna, mənim burada olduğum müddətdə (2020-ci ilin yanvar ayından bəri) müvəffəq ola bilməmişik. Nəyimiz əskikdir? Sabitliyimiz. Çempionatda, qazanılmış bircə xal, hər təfərrüat belə, əhəmiyyətlidir”, deyə Fernandeş vurğulayıb.