Conco Şelvi futbolçu karyerasına xitam verib məşqçiliyə baş vurdu

34 yaşlı ingilis mərkəz yarımmüdafiəçisi Conco Şelvi butslarını asılqandan asaraq, məşqçilik peşəsinə baş vurub.

Presssport.az xəbər verir ki, hazırda, Şelvi futbolçu ikən son komandası “Arabian Felkons”u çalışdırır.

Conco  Şelvi futobla 2001-ci ildə “Arsenal”da qədəm qoyub, ardınca “Vest Hem” və “Çarlton Atletik”ə keçib və böyük futbolda “qırmızı ordu”nun heyətində debüt edib. Şelvi sonralar “Liverpul”, “Blekpul” (icarə), “Suonsu Siti”, “Nyukasl”, “Nottingem Forest”, “Çaykur Rizespor”, “Eyüpspor”, “Börnli” və “Arabian Felkons”da çıxış edib.

Conco Şelvi 2012–2015-ci illərdə İngiltərə yığması üçün meydana çıxıdığı 6 oyunda 1 məhsuldar ötürmə ilə fərqlənib.

Şelvi “Liverpul”la İngiltərə Liqa Kubokunun (2012) və “Nyukasl”la İngiltərə Çempionşipinin (2016/2017) qalibi olub.