Kilian Mbappe Çempionlar Liqasında müstəsna rekorda imza atdı

Çempionlar Liqasının çərək final mərhələsinin cavab görüşü çərçivəsində “Alyans Arena”da “Bavariya”ya qarşı oyun (3:4, ilk oyun 1:2), “Real”ın 27 yaşlı fransalı ulduzu, mərkəz hücumçusu Kilian Mbappe üçün əlamətdar olub.

Presssport.az xəbər verir ki, Mbappe “qaymaqlılar”ın 3-cü qoluna imza atmaqla, Çempionlar Liqasında müstəsna rekord müəyyənləşdirib.

Belə ki, Mbappe mötəbər yarışın 1 mövsümü ərzində 10 səfər qoluna imza atmış ilk oyunçu ünvanına sahib olub.

Əlavə edək ki, Mbappe 15 qolla yarışın cari mövsümünün ən sərrast qolçusudur.