"Sabah"ın potensial rəqiblərinin qarşılaşmasında 2 qol, 1 qırmızı vərəqə

Çempionlar Liqasında 1-ci təsnifat mərhələsinin ilk matçları keçirilir.

Presssport.az xəbər verir ki, Finlandiya təmsilçisi KuPS səfərdə Şimali Makedoniyanın “Vardar” klubu ilə qarşılaşıb. 

Matç qonaq komandanın 2:0 hesablı qələbəsi ilə yekunlaşıb. Finlərdən müdafiəçi Brahim Magassa 45-ci, hücumçu Bob Armah 49-cu dəqiqədə fərqlənib. Meydan sahiblərinin yarımmüdafiəçi Nemanya Bosanciç 4 dəqiqədə (70 və 74-cü dəqiqələrdə) 2 sarı vərəqə alaraq meydandan qovulub.

Cavab matçı iyulun 14-də keçiriləcək.

Xatırladaq ki, “Sabah” TNS səddini aşacağı halda məhz “Vardar” - KuPS cütünün qalibi ilə üz-üzə gələcək. Çempionumuz ilk matçda evdə həmin hesabla qalib gəlib.