Almaniya II Bundesliqasının XIII turunda millimizin futbolçusu Mahir Emrelinin komandası "Nürnberq" səfərdə Bundesliqaya vəsiqə uğrunda yarışan "Paderborn"la qarşılaşıb.
Presssport.az xəbər verir ki, 8-ci dəqiqədə Emreli dabanıyla gözəl qol ötürməsi edib və komanda yoldaşı Soares hesabı 1:1 edib.
Oyunun yekun nəticəsi isə 3:2 meydan sahiblərinin xeyrinə başa çatıb - 2:3. "Paterborn" qələbə qolunu matçın son saniyələrində - 90+6-cı dəqiqədə vurub. Mahir 90 dəqiqə çıxış edib.
Bu qələbədən sonra xalını 24-ə çatdıran "Paderborn" liderliyə yüksəlib. "Nürnberq" isə 13 oyundan 18 xalla 8-ci pillədədi.
Xatırladaq ki, Mahir bu mövsüm "Nürnberq"lə bütün turnirlərdə meydana çıxdığı 9 oyunda 4 qol vurub (3-nü 2-ci Bundeliqada, 1-ni Almaniya kubokunda), 1 qolun isə ötürməsini edib.
Mehman Süleymanov
Bugün
| Bazar | B.E | Ç.Ə | Ç | C.A | C | Ş |
|---|---|---|---|---|---|---|
© PressSport . copyright by Mehman Suleymanov all rights reserved. Created by INT BAKU LLC
