Araz-Naxçıvan"ın milliyə çağırılan futbolçusu haqda: "Hələ bundan sonra onun başına yumruq çox dəyməlidir ki..."

“Hələ bundan sonra onun başına yumruq çox dəyməlidir ki, inkişaf etsin. Hələ bunun üzərində işləyirik. Özüm yanına çağırıram, söhbət edirəm”.

Bu fikirləri Pressssport.az-ın Tovuza ezam olunmuş əməkdaçşına açıqlamasında Naxçıvan Futbol Federasiyasının prezidenti Zaur Axundov deyib.

“Araz-Naxçıvan”ın qısa müddətdə əsas komandada oynamaqla tanınan, artıq əsas yığmamıza da ilk dəfə çağırılan gənc yarımmüdafiəçisi Mustafa Əhmədzadə haqda fikirlərini bölüşən federasiya rəhbəri narahat olduğu məqama da toxunub: “Eşidirəm ki, ordan-burdan zənglər gəlir. Menecerlər artıq hərəkətə keçib. Bu uşaq hələ iki aydı ortaya çıxıb. Yeru gəlmişkən, dünən atası ilə də görüşmüşəm. Dedim ki, nə olur-olsun, milliyə çağırılsa da, ulduz xəstəliyinə tutulmaq olmaz. 20 yaşında onu bədbəxt etmək olmaz. Elə uşaqları əlimizdə sıx saxlayırıq ki, eyforiyaya düşməsinlər. Mənim əlimdə düşə də bilməzlər”.