Yassin Benzia: “Ferents Puşkaş” mükafatına namizəd olduğum üçün xoşbəxtəm"

“Ferents Puşkaş” mükafatına namizəd olduğum üçün xoşbəxtəm".

Presssport.az xəbər verir ki, bunu "Qarabağ"ın əlcəzairli futbolçusu Yassin Benzia FIFA-nın təsis etdiyi "Ferents Puşkaş" mükafatına namizəd olması ilə bağlı danışarkən deyib.

30 yaşlı yarımmüdafiəçi bu ilin martında beynəlxalq yoldaşlıq matçında Cənubi Afrika yığmasına qarşı matçda vurduğu baxımlı qolun ən yaxşı seçiləcəyinə ümid edir:

"Bəli, qürur duyuram və qalib gələcəyimə ümid edirəm. Qələbə qazansam, möhtəşəm olacaq. Bu, xüsusilə Əlcəzairdə və Azərbaycanda məni dəstəkləyənlər üçündür".

Qeyd edək ki, görüş 3:3 hesabı ilə başa çatıb. Y.Benzia qarşılaşmada dubl (22, 70) müəllifi olub (report.az).