Santuş indi daha vacibi rəqibləri yaxından tanımağı sayır: "Mart və iyunda rəsmi matçlarımızın olmaması yaxşı haldı"

Millimizin baş məşqçisi Fernandu Santuş AFFA-nın rəsmi saytına açıqlamasında DÇ-2026-nın seçmə mərhələsinin püşkünü dəyərləndirib.

Presssport.az xəbər verir ki, portuqaliyalı mütəxəssis rəqiblər haqda bunları deyib:

"Artıq püşk atılıb, heç nəyi dəyişmək mümkün deyil. İndi daha vacibi rəqibləri yaxından tanımaqdı. Fransa, yoxsa Xorvatiya ilə qarşılaşacağımız UEFA Millətlər Liqasının pley-off mərhələsindən sonra bəlli olacaq. Digər rəqiblərimiz isə Ukrayna və İslandiya seçmələridir. İndi ən önəmlisi komandamızı bu oyunlara hazırlamaqdı. Mart və iyunda rəsmi matçlarımızın olmaması yaxşı haldır. Qrup oyunlarına hazırlaşmaq üçün vaxtımız olacaq. Həmin dönəmlərdə yoldaşlıq görüşləri keçirəcəyik ki, yığmamız sentyabrda başlayacaq seçmə mərhələ matçlarına hazır olsun”.

Xatırladaq ki, millimizin D qrupundakı rəqibləri UEFA Millətlər Liqasının 1/4 final mərhələsinin Fransa – Xorvatiya cütünün qalibi, həmçinin Ukrayna və İslandiya yığmalarıdır. Bu qrupda mübarizə 2025-ci ilin sentyabrında başlayacaq.