Millimizin rəqibinə yeni baş məşqçi təyin olunub

Milli komandamızıb DÇ-2026-cı il dünya çempionatının seçmə mərhələsindəki rəqibi olan İslandiya yığmasına yeni baş məşqçi təyin olunub.

Presssport.az xəbər verir ki, adalılara yerli mütəxəssis Arnar Qunnlauqsson rəhbərlik edəcək.

52 yaşlı məşqçiylə müqavilənin müddəti hələ rəsmən açıqlanmayıb. 

Son vaxtlara qədər Qunnlauqsson yerli "Vikinqur"un baş məşqçisi olub, bundan əvvəl isə bu klubda, "Reykyavik"də və "Haukar"da köməkçi məşqçi kimi də çalışıb.

Xatırladaq ki, D qrupunda rəqib olan Azərbaycan və İslandiya arasında oyunlar sentyabrın 5-də və noyabrın 13-də keçiriləcək.