Cüdoçularımız üçün kəmər dərəcələri üzrə rəsmi imtahanlar keçiriləcək

Azərbaycan Cüdo Federasiyasının (ACF) təşkilatçılığı ilə yanvarın 29-da kəmər dərəcələri üzrə rəsmi imtahanlar təşkil ediləcək.

ACF-dən Presssport.az-a verilən məlumata görə, imtahan 7 yaşdan yuxarı cüdo ilə məşğul olanlar üçün açıqdı.

Kəmər seçimi müvafiq yaş uyğunluğuna əsasən aparılacaq. İmtahanı uğurla keçən namizədlərə ACF tərəfindən müvafiq kəmər və sertifikat təqdim ediləcək.

Onu da bildirək ki, kəmər imtahanı peşəkarlıq səviyyəsinin qiymətləndirilməsi və rəsmi olaraq tanınması, həmçinin gələcəkdə nüfuzlu daxili yarışlarda iştirak üçün zəruridi.